Научниците утврдиле дека мажите кои редовно вежбаат, имаат деца со подобри гени и така им помагаат да бидат поактивни, како и да избегнат гојазност, дијабетес и други здравствени проблеми. Истражување спроведено на машки лабораториски глувци на кои пред парење им било ограничено движењето и им била давана храна со висока содржина на масти, покажало дека тие добиле потомство со зголемено ниво на телесни масти, намалена толеранција на глукоза и абнормална апсорпција на глукоза во скелетните мускули што се знаци на дијабетес. Но, машките глувци кои биле активни прд да ги зачнат потомците не оставиле негативни последици на своите деца.
„Само еден месец умерено вежбање пред зачнувањето може да има големи позитивни ефекти на метаболното здравје на децата„, вели Кринстин Станфорд доктор по клиничка биологија на Медицинскиот факултет во Охајо.
Истражувачите заклучиле дека вежбањето го подобрува квалитетот на спермата и предизвикува генетски промени во спермата кои го намалуваат потенцијалниот наследен ризик за дебелина и дијабетес.
