Просечна личност голта плунка околу 50 пати во една минута, но колку често голтаме стануваме свесни дури кога ќе почне да не боли грло. Болките може да траат неколку дена, но и со недели, месеци, зависно од причината. Ова се најчестите причинители:
ГРИП
Болката во грло и не е најтипичен симптом на грипот, но може да се појави. Во овој случај, кашлицата може да го надразни грлото и да предизвика болка, но таа е проследена со болки во целото тело, температура и исцрпеност.
НАСТИНКА
Инфекцијата на горните дишни патишта предизвикана од вирус, како обична настинка, е најтипичната причина за болка во грлото. Првите симптоми се надразнетост на грлото и затант нос, а потоа може да се јави и кашлање, кивање и течење на носот. Некои вируси директно го напаѓаат грлото и предизвикуваат мали оштетувања на многу чувствителната слузница на ждрелото, што предизвикува силно чувство на печење.
БАКТЕРИСКА ИНФЕКЦИЈА
Причина за болка во грлото може да биде и бактериска инфекција. Не е проследена со кивање, ниту кашлање, но може да предизвика лош здив, зголемена телесна температура и отеченост на лимфните јазли во вратот.
МОНОНУКЛЕОЗА
Мононуклеозата се пренесува преку плунка, ја предизвикува Епштајн-Баров вирус, а еден од вообичаените симптоми е и болка во грлото, со замот, зголемена температура и отеченост на вратните жлезди. Симптомите може да потраат и со месеци.
АЛЕРГИИ
Алергиите на полен, обично проследени со кивање, солзење на очите и течење од носот, може да предизвикаат и болка во глрото. Обично станува збор за чувство на гребење, е не за типична болка. Виновници може да бидат и некои намирници, но во тој случај болката во грлото е проследена со желудочни проблеми. Зебележите дали симптомите ви се јавуваат по консумирање на одредена намирница и направете тест за алергија.
ЛАРИГНОФАРИНГЕАЛЕН РЕФЛУКС
Станува збор за сличен проблем како што е гастроезофагеалниот рефлукс, само што го зафаќа грлото. Познат е под името “тивок рефлукс“ бидејќи не предизвикуива симптоми како што е жиговина, Во овој случај, желудочмната киселина патува низ желудникот низ хранопроводот во грлото, каде го надразнува чувствителното ткиво и предизвикува болка или зарипнатост. Може да се јави и сува кашлица, потреба за постојани искашлување или чувство дека постојано нешто ви стои во грлото.
СУВ ВОЗДУХ
Сувиот воздух може многу силно да го надразни грлото, особено кај лица кои се сколни да дишат на уста, бидејќи носот делува како навлажнувач. Проблемот вообичаено е најизразен наутро, а може да се ублажи со пиење доволно течности во текот на денот, за навечер грлото да биде доволно навлажнето.
ПРЕНАПРЕГАЊЕ НА МУСКУЛИТЕ
Сигурно сте почувствувале болка во грлото и по гласно навивање или пеење, но таа може да се јави и поради погрешно користење на мускулите во грлото. Тој проблем често го имаат лица кои поради природата на работата, многу зборуваат.
ТУМОР НА ГРЛОТО
Причини за грижа се трајна болка во грлото, зарипнатост, отежнато голтање на храна или плунка, губење на телесната тежина, отежнато дишење и искашлување крв.
