Ви се случува да стоите пред огледало и да се набљудувате со внимание за да видите дали постојат некои знаци и промени на вашето тело? Можеби со часови пребарувате по интернет затоа што се сомневате дека нешто не е во ред со вас, а всушност се чувствувате одлично?! Дали можеби некогаш сте помислиле да побарате некои знаци кои ни ги дава телото, а кои ни велат дека сè е во најдобар ред?! Еве некои од нив:
Сјајна и силна коса
Косата прилично брзо покажува дали сè е во ред со нашето тело. Ако ни недостасуваат некои витамини ќе стане кршлива и без сјај. Ако паѓа или имате впечаток дека е „крута“, тоа може да значи болест или, на пример, недостаток на некој витамин.
Тврди нокти
Друг индикатор за здравјето се ноктите. Кај здравите луѓе треба да се цврсти. Ако се кршливи или на нив се појавуваат бели дамки, тоа може да значи дека недостасуваат некои витамини. Но, освен телесни, на ноктите може да се откријат и некои психички проблеми. Гризењето нокти е показател за стрес.
Јазик
Особено во кинеската медицина јазикот е важен орган кога се поставува некоја дијагноза. Зависно од бојата и наслагите лекарите можат да донесат некои заклучоци. Кај здравите луѓе јазикот треба да биде со розеникава боја, а наслагите минимални.
