Ако постои нешто за кое сонува секоја 40-годишна дама, тогаш тоа е шокираниот лик на луѓето на кои гордо им вели „имам 40“! Нема ништо лошо во тоа да сакате подолго да изгледате младолико, свежо и природно. Ние ги сакаме четириесеттите! Четириесеттите се новите триесетти, а жените во овие години се најуспешни и најсреќни. Меѓутоа, се разбира, дека со годините доаѓа и до некои физички и психички промени за кои се учи во од. Запаметете: ништо не се случува преку ноќ и сите промени на крајот од денот се ДОБРИ!
Потешко е да се загубат несаканите килограми!
Сигурно пред некоја година ќе исфрлевте две – три состојки од менито и ќе загубевте 5 кг за само неколку дена! Тоа сега, со 40, оди малку потешко затоа што метаболизмот се менува, а мускулите нагло се опуштаат. После 30-та природно се губат околу 5 % од мускулното ткиво годишно, заради што до 40 веќе метаболизмот е прилично нарушен, а со самото тоа и телото само по себе троши помалку калории. Според тоа, ако се храните исто како и во, да речеме, дваесеттите дефинитивно ќе забележите килограми, на вагата!
Се менува менструалниот циклус!
Во четириесеттите телото полека се подготвува за менопауза и сигурно ќе забележите некои промени во циклусот. Овие промени може да траат и цело десетлетие пред да влезете во менопауза. Естрогенот и прогестеронот, женските репродуктивни хормони кои го регулираат циклусот, почнуваат да осцилираат. Освен нерегуларните менструации, може да забележите и несоница, главоболка, промени на расположението, валунги и неконтролирано растење на влакната. Сето ова е нормално и дел од процесот на промени!
Ќе се разубавите!
Оние малечки брчки околу очите, кои се појавуваат кога се смеете, тие, всушност, ве прават уште поубава! Велат дека самодовербата е привлечна, зарем не? Токму заради тоа жените во четириесеттите се најпривлечни. Најмалку зависат од другите и имаат најмногу самодоверба. Не се критикуваат самите себе толку грубо и точно знаат што сакаат.
Либидото ви е зголемено
Верувале или не, истражувањата покажале дека жените во четириесеттите се повеќе заинтересирани за секс отколку претходно. Причината за тоа е во принцип многу логична: заради намаленото производство на јајце клетки женското тело е повеќе возбудено токму затоа што чувствува пад на плодноста, па на тој начин создава некаков баланс и се обидува да „остане во игра“.
Постои поголема шанса за интолеранција на лактоза
Некои со млечните производи имаат мака уште од раѓањето, додека кај други проблемот може да се развие малку подоцна. Според одредени истражувања, токму во четириесеттите. Нашето тело произведува ензим лактаза кој помага во разградбата на лактозата во цревата. Како што старее телото, така и производството на ензими опаѓа, а со самото тоа расте и интолеранцијата на лактоза. Иако на овој проблем најчесто влијае генетиката, може да биде поттикнат и со други животни околности, на пример, бременост, операција, инфекција и хемотерапија.
Ќе забележите промени и во квалитетот на видот
Некаде околу 40 може да почнат да се јавуваат и промени во квалитетот на видот. Најчесто проблем создава кратковидоста, па потешко ќе читате одблизу и ќе имате мака со работи од типот на шиењето. Од друга страна, некои имаат проблем и со возење навечер заради рефлексијата. Исто така, и боите ќе почнете да ги гледате поинаку, а и сувите очи би можеле да станат проблем.
Се менува и сетилото за мирис и вкус
Ова би можело да ве вознемири најмногу од се. Со текот на времето стануваме се помалку чувствителни на главните вкусови – солено, слатко, кисело, луто… Храната почнува да ни станува како да е без вкус, па сакаме повеќе зачини. Истото се случува и со сетилото за мирис.
Може да дојде и до проблеми со слухот
Со годините доаѓа и до промени на тапанчињата и во внатрешното уво заради што можно е да е забележите послаб слух. Сигурно сега се прашувате – што е со оние кои и онака имаат слаб слух? Може да дојде и до послаба координација и проблеми со рамнотежата, затоа што внатрешното уво директно е задолжено за баланс на телото!
