Дури и ако сте навикнале редовно да џогирате, познато ви е чувството понекога да не ви се излегува – најчесто поради лошото време. Од друга страна, трчањето на лента во фитнес клуб главно значи дека ќе имате друштво како дополнителна мотивација, додека надвор ќе треба да џогирате сами.
Но, експертите објаснуваат зошто секогаш џогирањето на отворено е подобро за здравјето.
Ја подига енергијата и менталното здравје. Според истражување на Универзитетот Ексетер, трчањето на отворено ја подига енергијата и расположението. Додека џогирате надвор, сликите и звуците на природата, во комбинација со свежиот воздух делуваат опуштачки на целото тело и на умот.
Се согоруваат повеќе калории. Трчањето надвор подразбира отпор на воздухот, или ветер, што значи трошење повеќе енергија. Исто така, на отворено се прилагодувате на температурата и на теренот. Тие фактори прават надвор да се трошат повеќе калории во споредба со трчањето на лента.
Ги јакне коските. Можеби трчањето на лента е полесно, бидејќи го намалува ударот што потпирањето на тврда подлога го прави на колената. Кога трчање на тротоар или на стаза на отворено, коските и сврзното ткиво трпат посилни удари – но како што покажале истражувања, од нив се јакнат коските и стануваат погусти.
