Босилекот не е само зачинска, туку и лековита билка. Мошне е ефикасен во ублажувањето настинки, чувањето на здравјето на срцето, бубрезите и забите, а помага и во намалување на стресот. Мешавината од листови босилек со ѓумбир и мед е одлична протрив разни респираторни болести, како грип, астма, настинка и бронхитис. Оваа мешавина ги отвора дишните патишта кои се блокирани со слуз и им помага на болните правилно да дишат. Во случај на воспаление на грлото добро е да се прави гаргара со млака вода во која некое време бил потопен босилек. Ќе делува противвоспалително и ќе ги олесни симптомите.
Џвакањето неколку листови босилек дневно значително го намалува ризикот од срцев удар и кардиоваскуларна слабост. Босилекот е генерално добар за здравјето, а се препорачува и за ублажување на стресот. Оваа лековита и зачинска билка ги јакне бубрезите и добра е во борбата против бубрежниот камен. Фитотерапевтите советуваат земање мешавина од босилек и мед барем шест месеци за да се ублажат болките и да се исфрли каменот.
Босилекот е ефикасен и во елиминацијата на лошиот здив, а оние кои патат од проблеми со крвавење на непцата овој процес може успешно да го запрат со џвакање на неговите листови. Босилекот ја намалува и желбата за цигари. Само едно ливче е доволно да ја намали оваа зависничка навика и да ја одложи желбата.
