Клучна работа за успешно слабеење не е само вкупниот број калории, туку и времето кога ги внесувате. Доколку се придржувате до оваа диета, можете да ослабете и никогаш да не ги вратите килограмите
Појадокот е најважен оброк во текот на денот затоа што ја обезбедува потребната енергија за остатокот од денот, па концептот наречен „Голем појадок“ на ендокринологот Даниела Јакубович буквално се залага за оваа изрека – Јади како крал, ручај како принц, вечерај како сиромав!
Во својата книга „Диета на големиот појадок“ Јакубович тврди дека појадок од 600 до 850 калории пред 9 часот наутро ќе делува како сојузник на метаболизмот и драстично ќе го поттикне слабеењето и ќе ги урамнотежи хормоните, ќе ги согори масните наслаги.
„Обилен појадок ќе го запали метаболизмот, но клучно е појадокот да биде богат со протеини и влакна. Ако се придржувате до сите правила на диетата, за 30 дена можете да изгубите и до 10 кг, а истовремено да јадете сладолед, пица и намирници кои другите диети не ги дозволуваат“, вели Јакубович.
Кај построгите верзии на диетата Голем појадок за време на појадокот се внесуваат околу 600 калории, а за ручекот и вечерата до 300, иако постојат и помалку ограничувачки верзии.
„Појадокот е важно да се јаде 15 минути после будењето. Дури и оние кои не чувствуваат глад наутро после две недели ќе се прилагодат и ќе се будат гладни“, истакнува.
Што може да се јаде?
Секој ден почнува со обилен појадок и одвојување барем половина час за уживање во него. На пример, појадокот кој авторката го истакнува треба да се состои од омлет со 3 белки, 50 г сирење, 50 г шунка, зеленчук, половина мафин со сирење, снегулки од жито со 200 мл млеко, смути од јагода и чоколаден колач.
Од ден на ден еден појадок треба да се состои од седум порции протеини меѓу кои две се млечни производи, две порции се јаглехидрати, две порции се масти и една порција е сладок десерт.
Ручекот се состои од три порции протеини, три порции нискокалоричен зеленчук, две порции зеленчук со скроб и една порција овошје. Вечерата, пак, се состои од три порции протеини, две порции зеленчук со скроб и две порции овошје.
