До премногу мала телесна тежина може да дојде поради две причини: по долготрајна болест (стомачен тифус, туберкулоза, нервни заболувања, заболување на желудникот, цревата итн.), или поради склоност на организмот. Покрај овие две причини, треба да се напомене и трета, кој произлегува од желбата да се задржи виткоста, особено кај девојките и жените во климактериум; притоа се употребуваат дури и разни лекови за убивање на апетитот, кои може да предизвикаат тешки повреди на дигестивниот тракт, а со тоа и хронично слабеење.
Диетата за дебелеење ќе доведе до брзи резултати ако станува збор за последица од некое акутно, но нема да има ефект ако станува збор за вродена слабост, Базедова болест или заболување на хипофизата, како и ако постои отпор кај болниот.
Најбрзи резултати ќе се постигнат ако на лицето му се овозможи целосен мир, па затоа се препорачува промена на средината (климатско лекување) во село, на планина, покрај езережо, со лежење и засилена исхрана. На почетокот мора да се забрани секакво движење и работа. Кога ќе се забележи зголемување на тежината, треба да се овозможи лежење надвор, во природа. При лежењето обично доаѓа до наталожување на масти, додека мускулите во извесна мера се дегенерираат. Затоа, во втората половина од лекувањето, треба да се воведе и прошетка, масажа и гимнастика, за да се поврати и еластичноста, отпорноста и силата кај лицето.
ПРВ ДЕЛ
Во првиот дел од спроведување на диетата, после болеста, треба да се внесува храна богата со масти и јаглехидрати, бидејќи на тој начин, најбрзо доаѓа до наталожување на масно ткиво. Се дава да се јаде и тесто, шеќер, путер, павлака, млеко и овошје. На самиот почеток на диетата за дебелеење мора да се направи испитување на желудникот, црниот дроб и цревата, за да не дојде подоцна до нивно оштетување. Претераното јадење, особено на масна и слатка храна, може да доведе до пореметувања во желудникот, кои подоцна тешко се поправаат. Затоа и оваа диета треба да биде постепена и да се темели на состојбата во која се наоѓа дигестивниот тракт. Подобро е да се даваат чести и помали оброци (не преку 6 за 24 часа).
За да се предизвика апетит, храната мора да биде зачинета, убаво подготвена и сервирана. Храната треба да се приготви по желба на болниот. Големите количини на одредена храна може да предизвикаат презаситеност, па затоа храната мора да биде мешана, разнолика, и што е многу важно, лесно сварлива. Бидејќи млекото е многу важен дел од исхраната за дебелеење, млекото додавајте го се што може (кафе, пире, какако, колачи, пудинзи…). Истото правете го и со јајцата.
ВТОР ДЕЛ
Во вториот дел од диетата, лицето треба да зема храна која содржи повеќе белковини. Местото мора да биде телешко, јагнешко, пилешко, мисиркино,риба, додека свинското месо треба да се избегнува, особено топло свинско печење. Сувомеснати производи, кобасици, нарезоци, може да се даваат, но во помали количини. Салатите се препорачуваат за да го поттикнат апетитот. Овошјето е многу здрава храна, но со неа не се поттикнувва зголемувањето на килограмите. Храната треба да биде малку посолена.
