![digital-amnesia-FB_](https://panacea.mk/wp-content/uploads/2019/10/digital-amnesia-FB_-696x696.jpg)
Дали и вие кога нешто не можете да се сетите почнувате да го барате по интернет? Оваа навика е позната под називот „Google ефект“. Прашањето е дали на овој начин си го ослабуваме памтењето и неповратно си го уништуваме сеќавањето? Потпирањето на интернетот во потрага по информации кои некаде веќе се складирани во нашиот мозок, место да се послужиме со сопствената меморија, доби и научен назив – дигитална амнезија.
Студија покажала дека 79 отсто од луѓето денес во голема мера се позависни од своите дигитални уреди како средства за пристап на информации, отколку пред пет години. Исто така, 49 отсто од нас воопшто не ги знаат напамет телефонските броеви на своите блиски луѓе… Нема дилема дека интернетот го смени начинот на кој ги обработуваме информациите. Истражувањето од Универзитетот Колумбија открило дека луѓето кои одредени информации барале на интернет, најверојатно подобро ќе се сеќаваат каде ги бараке информациите отколку самите информации. Сепак, научниците велат дека има надеж.
„Заборавањето само по себе не е лошо. Ние сме прилагодливи суштества и не се сеќаваме на се затоа што тоа не ни е од корист“, вели доктор Кетрин Милс од УЦЛ институтот за когнитивна невронаука.
Интересен е и фактот дека работите кои немаат емотивно значење за нас далеку потешко ги паметиме од апстрактните информации или нематеријални факти. За среќа, постојат начин на кои можеме да работиме за да ја подобриме способноста за памтење. Значи, еве како да го тренирате мозокот, да го подобрите памтењето и што е уште поважно да направите информациите да се задржат во вашето сеќавање.
Не се откажувајте веднаш
Присилувањето на мозокот да памети информации може да биде мошне добар начин за вежбање на меморијата. Сеќавањето е биолошка функција, и како и пвеќето останати, и треба да се вежба.
Фотографирањето на спомените одмага
Фотографирањето, се чини, како одличен начин за креирање трајни спомени, но една студија сугерира дека тоа всушнот ја намалува нашата способност да паметиме.
Запишувајте
Пишувањето на список со обврски може да биде ефикасен начин за подобрување на меморијата. Сетете се на училишните денови – лекциите кои ги пишувавте ги паметите и денес. Мозокот запишувањето го третира како фотографии – тие подобро се задржуваат во нашиот мозок од аудио записите.
Играјте игра со имиња
Дали знаете дека повеќето луѓе полошо паметат имиња од бројки: развивајте ја навиката пред да му се претставите на некој нов, да прашате за неговото име.