Според здравствената статистика секоја четврта жена, на возраст меѓу 30 и 60 години, имала барем една епизода на неволно мокрење во текот на животот. При кашлање, кивање, смеење, физички напор или сексуален однос, кога се зголемува притисокот во стомакот, кај жените најчесто се јавува неволно мокрење.
Неволната уринарна инконтиненција или уринарна инконтиненција е многу почест проблем кај жените отколку кај мажите, што е последица на анатомските и физиолошките разлики меѓу половите. „Нивоата на естроген во менопаузата, дијабетесот, дебелината, пушењето, урогениталната хирургија или зрачењето значително придонесуваат за развојот на болеста, па затоа е многу важно пациентот навреме да оди на лекар“, објаснува дипломиран фармацевт Звездана Димовска-Сарџовска.
За да се одреди најдобриот начин на лекување, потребна е прецизна дијагноза на видот и степенот на проблемот. Ако пациентот оди на лекар навреме, дури 80 проценти од уринарната инконтиненција може да се излечи или значително да се подобри. Терапијата со современи лекови како што се солифенацин и мирамбегрон, кои во голема мера ги ублажуваат проблемите поврзани со синдромот на хиперактивен мочен меур, има многу важно место во лекувањето на инконтиненцијата
Неволното мокрење за време на бременоста е главно минливо и треба да се консултира лекар доколку трае подолго од шест недели по раѓањето. Фреквенцијата на проблеми се зголемува со возраста. Изненадувачки, во Соединетите Американски Држави, неволното мокрење е речиси 25 проценти почесто од коронарната срцева болест, дијабетесот и хипертензијата поединечно кај женската популација над 60-годишна возраст.
„Тешкотиите обично се придружени со чувство на срам, пад на самодовербата, со повлекување во себе. На пример, неволното истекување на урина за време на сексуалниот однос е сериозен проблем кој го намалува квалитетот на животот и ги нарушува емотивните и партнерските односи, бидејќи жената почнува да избегнува физичка интимност. Генерално, жените од сите возрасти тешко го поднесуваат фактот дека не го контролираат мокрењето, имаат чувство на непријатност и тоа ги нарушува социјалните интеракции, работната способност и менталното здравје на жените. Затоа е важно што поскоро да се побара помош од лекар“, вели дипломиран фармацевт Димовска-Сарџовска.
За жал, поради чувството на срам, дури 2/3 од пациентите нема да му укажат на лекарот за симптомите на инконтиненција, особено кога станува збор за поблаги форми, кои се најчести. Само кога проблемот напредува, се бара стручна помош.
Тешкотиите обично се придружени со чувство на срам, пад на самодовербата, со повлекување во себе. На пример, неволното истекување на урина за време на сексуалниот однос е сериозен проблем кој го намалува квалитетот на животот и ги нарушува емотивните и партнерските односи, бидејќи жената почнува да избегнува физичка интимност. Генерално, жените од сите возрасти тешко го поднесуваат фактот дека не го контролираат мокрењето, имаат чувство на непријатност и тоа ги нарушува социјалните интеракции, работната способност и менталното здравје на жените. Затоа е важно што поскоро да се побара помош од лекар
„За да се одреди најдобриот начин на лекување, потребна е прецизна дијагноза на видот и степенот на проблемот. Ако пациентот оди на лекар навреме, дури 80 проценти од уринарната инконтиненција може да се излечи или значително да се подобри. Терапијата со современи лекови како што се солифенацин и мирамбегрон, кои во голема мера ги ублажуваат проблемите поврзани со синдромот на хиперактивен мочен меур, има многу важно место во лекувањето на инконтиненцијата“, објаснува нашата соговорничка.
Покрај третманот со лекови, современата медицина нуди бројни третмани, конзервативни и оперативни. Се повеќе во светот се применува и ласерска интервенција. На време поставена дијагноза и правилен избор на третман за секој пациент поединечно, во голем процент има успех во третманот на оваа анатомско физиолошка и психолошка состојба, но не класична болест. Најновите генерации на ласер апарати како Er.Yag технологија, кај строго селектирани пациенти има преку 75% успешност, што е слично со оперативните техники. Секако, предности на ласерската технологија се амбулантски третман, нема анестезија, нема шиење, нема страно тело (мрежи), безкрвна и многу поевтина метода која може да се повторува безброј пати, без ниту еден несакан ефект. Овие ласери веќе неколку години успешно се користат во Клиничката болница „Аџибадем Систина“.
„Најважно, да не го игнорирате проблемот, отфрлете го чувството на срам, а непријатноста да биде поттик да одите на лекар, бидејќи благодарение на навремена дијагноза и адекватен третман, вашиот проблем може успешно да се реши“, додава Звездана Димовска-Сарџовска, дипломиран фармацевт. Александра Газивода
