За вториот бран на пандемијата со коронавирус кој би требало да ја помине Европа, веќе не се зборува само како за теорија; прашање е само кога тоа ќе се случи и во колкав размер, тврди д-р Андреа Амон, директор на Европскиот центар за превенција и контрола на болести (ECDC)
“Набљудувајќи ги карактеристиките на вирусот, гледајќи што се случува во различни земји, може да видиме дека вирусот е околу нас“, предупредува поранешната советничка на Владата на Германија во својот разговор за британскиот весник Гардијан. Не сакам, вели таа да бидам катастрофичар, но мислам дека мора да бидеме реални. Сега не е време за целосно опуштање.
Бившата лекарка, која пред сегашната функција минала низ различни нивоа на здравствена бирократија, објави дека пикот на пандемијата во Европа помина на 2 мај, секаде, освен во Полска.
Тоа предизвика синџирна реакција и многу земји најавија попуштање на мерките. Амон сега проверува дали ситуацијата е под контрола и тврди дека катастрофалниот втор бран не е неизбежен, ако луѓето се придржуваат кон мерките и држат дистанца. Проблемот, вели таа, ќе се појави ако вниманието и заштитата попушти.
“Плановите треба да се ажурираат и да се подигне подготвеноста на болниците на криза. Треба да се зголемат капацитетите, особено на бројот на кревети на одделите за интензивна нега“, додава д-р Амон.
