Дисменорејата е гинеколошка здравствена состојба која ја карактеризираат болки во текот на менструалниот циклус, кои ги попречуваат секојдневните активности. Симптомите на дисменорејата често почнуваат веднаш после овулацијата и траат до крајот на циклусот. Од тие причини дименорејата е поврзувана со промените во нивоата на хормоните во телото кои се јавуваат во текот на менструацијата.
Дисменорејата може да биде примарна или секундарна, врз основа на тоа дали има или нема присуство на причините. Секундарната дисменореја е поврзана со веќе постоечка состојба, а најчесто причинител е ендометриозата. Примарната дисменореја постои кога предходни состојби не се дијагностицирани.
Фактори на ризик за појава на дисменореја се:
- Пушење
- Дисменореја во семејната историја
- Неправилни менструални крварења
- Тешки менструални крварења
- Рано влегување во пубертет(пред 11 години)
- Возраст(помлада од 30 години)
- Пред раѓање на првото дете
Симптоми на болните менструации се најчесто болката во долниот дел од стомакот, во делот под папокот, но болката може да се чувствува и во десната или левата страна на стомакот, во бедрата или долниот дел од грбот.
Симптоми кои исто така често се пропратен дел од менструалните болки се:
- Мачнини и пролив
- Запек
- Главоболки
- Вртоглавици и дезориентираност
- Преосетливост на звук, светло, мирис и допир
- Несвестица и умор
