Едно истражување покажало дека личностите кои водат дневник на исхрана и запишуваат се што ќе изедат и испијат можат да изгубат и до 40 отсто повеќе килограми отколку личностите кои не водат дневник или не запишуваат се детално. Дневникот на исхрана, исто така, ги намалува изгледите за враќање на загубените килограми.
Кога станува збор за самата исхрана, потрудете се секој оброк да содржи јаглени хидрати, протеини и масти. Идеално би било оброкот да содржи 45 проценти јаглени хидрати, 30 проценти здрави масти и 25 проценти протеини. Никако немојте во целост да ги исклучувате јаглените хидрати или мастите – оваа постапка не само што не е здрава, туку и ги зголемува шансите дека во момент на слабост, замор или глад, ќе прибегнете кон висококалорична храна или дека ќе се прејадете. Исто така, важно е да не се изгладнувате, со оглед на тоа дека недоволниот дневен внес на калории може да доведе до забавување на метаболизмот, додека истовремено не добиваме нутритиенти кои ни се неопходни за нормално функционирање на организмот.
