![5](https://panacea.mk/wp-content/uploads/2020/07/5-4-696x442.jpg)
Маж од Белград кој е заразен со новиот коронавирус на својот Фејсбук профил водел дневник и ја опишувал болката и страдењето низ кои секодневно минувал.
“Мислам дека од ова не може полошо. Го молев Господ да ме земе, силна главоболка, отежнато дишење со силен шум во белите дробови… Полошо, сепак може да биде“, напишал тој.
Секој ден, тој кусо опишувал како се чувствува и колку му е телесната температура. Првите неколку дена температурата постапно се зголемувала. Мажот напишал дека првиот ден има температура 37,6 како и блага главоболка и чувство на лесна малаксалост.
Веќе четвртиот ден имал температура 39,9 со силна главоболка, болки во целото тело, препотување и мачнина.
Шестиот ден имал температура 40,2, бил дезоринетиран, имал емотивни кризи и интензивно се препотувал, па морало да го пресоблекуваат најмалку шест пати во денот.
Имал константни промени на крвниот притисок и забавена работа на срцето, а тешко пронаоѓал и положба во која може мирно да лежи.
Осмиот ден, друг пациент со кој ја делел болничката соба и кој по професија бил лекар, му помагал и успеале температурата да ја намалт на 36,4. Деветиот ден имал нормална телесна температура, но и натаму отежнато дишел, бил дезориентиран, имал вртоглавица, мачнина и препотување. Следниот ден, температурата се вратила и се чувствувал многу лошо.
“Се чувствував многу лошо, речиси да не можев да станам од кревет“, напишал тој, додавајќи дека лекарите вложувале надчовечки напори за што побрзо да го опорават.
Тој вели дека се плаши оти вирусот е непредвидлив и има чувство дека вирусот секогаш е чекор понапред.
Како што напишал на социјалните мрежи, тој се уште не е излекуван и според лекарите, за целосно опоравување, треба да поминат 6-7 недели.