Скопје, 3 април, 2020 – Скопје и натаму е градот во кој дневно се регистрираат најголем број на новозаболени со коронавирус. До вчера, пријавени се вкупно 30 нови случаи на КОВИД-19, и тоа 12 во Скопје, девет во Прилеп, осум пациенти од Куманови, и еден во Крива Паланка.
Осум од 30. пациенти се возраст од 40 – 49 години, и 17 се мажи, а 13 се жени. Од новите случаи, хоспитализирани се четири пациенти, додека останатите 26 се на домашно лекување, а кај 10 од нив е евидентирано постоење на коморбидитети.
Според направената епидмиолошка анкета, 20 лица имале контакт со веќе потврден случај на КОВИД-19 во земјава, а едно лице има историја на неодамнешно патување (во последни 14 дена).
Со овие бројки, заклучно со 1. април, бројот на заразени со КОВИД-19 изнесува 384.
КОВИД-19 во РСМ е регистриран во 16 градови:
- Скопје – 195
- Куманово – 62
- Дебар – 47
- Прилеп – 21
- Штип – 15
- Тетово – 13
- Струга – 9
- Велес – 6
- Битола – 4
- Охрид – 3
- Кавадарци – 2
- Гевгелија – 2
- Крива Паланка – 2
- Гостивар – 1
- Струмица – 1
- Кочани – 1
Најголем број на заболени се на возраст над 60 години – 85 (22,1%), а највисока специфична инциденца е регистрирана во ворасната група од 40-49 години – 26,2/100.000.
Од пријавените случаи, 24,7% се/биле хоспитализирани во текот на болеста, а останатите случаи биле/се на домашно лекување и во домашна изолација, асимптоматски или со полесна клиничка слика. Во однос на симптомите кои се пријавени кај заболените лица, најчесто се регистрирани кашлица (65,3%), температура (64,6%), слабост (34,7%), главоболка (23,4%), треска (21,2%), болка во грло (16,8%) и отежнато дишење (16,8%), а 110 лица се/биле без изразени симптоми.
Во однос на коморбидитети, кај 97 лица се присутни хронична/и здравствени состојби, од кои 73 лица имаат кардиоваскуларна болест, 23 лица се со хронична белодробна болест, 20 со дијабет, 5 со хронична бубрежна болест и 9 со други хронични болести.
Регистрирани се 41 случај на заболување меѓу здравствени работници. Од овој број, 28 се заболени во болнички/ амбулантски услови.
Според исходот од заболувањето, кај 356 лица се активни случаи, 17 случаи се испишани од болница со излечена болест, а регистрирани се 11 смртни случаи.
Проценката на ризик на СЗО на глобално ниво и на ниво на Европски Регион за понатамошно ширење на COVID-19 кажува дека ризикот е многу висок.
Според категоризацијата на ризикот од СЗО, се проценува дека:
- Дебар е во фаза 4 (широко-распространета трансмисија во заедницата)
- Скопје е во фаза 4 (широко-распространета трансмисија во заедницата)
- Куманово е во фаза 4 (широко-распространета трансмисија во заедницата)
- Останатиот дел од Република Северна Македонија е во фаза 2 (спорадични случаи)
