Кламидијата е сексуално пренослива болест, често без никакви симптоми, која еднакво ги погодува и мажите и жените. Оваа бактериска инфекција е опасна зтаоа што луѓето често не ни знаат дека ја имаат, впрочем, затоа и се нарекува и ’тивок убиец’. Ако не се лекува, со текот на времето, може да доведе до здравствени проблеми, вклучително и неплодност. Кламидијата е моментално најчестата полово пренослива болест во светот.
Научниците од канадскиот Универзитет Ватерло развиле нов начин на лекување на кламидијата кој делува при спречувањето на ширењето на тоа заболување, пишува Interesting Engineering.
Кламидијата сега се лекува со антибиотици. Новиот третман, меѓутоа, претставува вид на генетска терапија.
Научниците велат дека веќе постигнале успешност од 65 отсто во превенција од инфекцијата, и тоа после само една доза. Тоа, секако, ослободува од стравот од соевите на овие бактерии отпорни на антибиотици.
Американската агенција за храна и лекови неодамна го одобрила првиот лек базиран на siRNK. Станува збор за класа на дволанчани RNK молекули кои интерферираат со експресија на одредени гени.
Новиот третман користи siRNK за целење на генот кој се вика PDFGR-бета. Тој е одговорен за настанувањето на протеините, во женскиот репродуктивен систем, кои ја врзуваат бактеријата кламидија и овозможуваат ширење болести. Новиот третман ги запира гените. Но тоа не е се, кога станува збор за новата терапија. Третманот користи нанотехнологија за активација на разградувањето на заразените клетки. На тој начин доаѓа до детоксикација на човековиот организам затоа што се чистат оштетените клетки и се регенерираат нови. Со новиот процес заразените клетки формираат меур околу бактеријата и ја уништуваат. Третманот делува на два начина. Спречува кламидијата да се шири и ги тера клетките да ја разоруваат.
