Следниот пат кога ќе ви се случи да имате проблем да се сетите на некој податок или детаљ од некој настан, обидете се да го поттикнете памтењето така што едноставно ќе ги затворите очите.
Имено, во текот на едно истражување група британски научници на испитаниците им пуштиле повеќе куси филмови и потоа од нив барале да се присетат на некои детали и да одговорат на низа прашања. Се покажало дека испитаниците на кои им било кажано за време на одговарањето на прашањата да ги затворат очите имале 23 отсто повеќе точни одговори за разлика од испитаниците кои за време на одговарањето ги држеле очите отворени. Авторите сметаат дека со затворање на очите се укинуваат непотребните информации од околината и се постигнува подобра концентрација, која, пак, ни е неопходна за да се сетиме на некој важен податок.
