Сонот е важен дел од животот на секој поединец и е клучен за нормално функционирање на мозокот и целиот организам. Повеќето луѓе трошат една третина од денот за спиење, а многу од нив легнуваат со чорапи на нозете.
Според податоците на американскиот Национален институт за здравство, спиењето во чорапи е добро, пишува „MedicalNews Today“. Притоа телото воспоставува правилна телесна терморегулација и на тој начин прави ред во функционирањето на мозокот и телото.
Имајте на ум дека во кревет не се оди со чорапите кои сте ги носеле преку денот. Пред спиење, треба да ги измиете нозете и да облечете чорапи кои се направени од природни материјали
Спиењето со чорапи е корисно, бидејќи ни помага побрзо да заспиеме и околу 4 часот, време кога температурата на телото е најниска, ни обезбедува доволна количина на топлина.
Затоплувањето на нозете и рацете влијае на проширувањето на крвните садови. Притоа нашиот организам добива информации дека е време за сон.
„Затоплувањето на студените нозе предизвикува ширење на крвните садови, што му порачува на мозокот дека е време за спиење. Бидејќи крвните садови се шират на рацете и нозете, топлината рамномерно се распоредува низ телото и го подготвува за спиење“, тврдат од Националниот институт за здравство.
Според некои истражувања, луѓето што носат чорапи заспиваат 15 минути порано отколку кога спијат боси.
Просечната потреба на возрасен човек за спиење е помеѓу седум и девет часа. Недостатокот на сон го зголемува ризикот од намалена концентрација и негативно влијае на меморијата и расположението. На долг рок, тоа има влијание врз развојот на кардиоваскуларни болести, депресија и дебелина.
