Дали знаете дека консумирањето на просо ја подобрува работата на вашите црева? Просото содржи минерали, како што се фосфор, магнезиум, железо и силициум, кои нема да ги најдете во другите житарки!
Просото е древно семе, кое изворно се одгледувало во Африка и Северна Кина уште од неолитскиот период. Со текот на времето, се проширило низ целиот свет.
Ефектите на просото врз здравјето
Нутриционистите исклучително го ценат просото, кое го подобрува излачувањето на водата од организмот. Поради високата содржина на салицилна киселина, просото се смета и за вистински козметички препарат – делува одлично на ноктите, кожата, косата и забната глеѓ.
Просото содржи приближно ист процент на протеини како и пченицата, од кои осум есенцијални киселини, што е особено важно за исхраната на вегетаријанците.
Ја зголемува алкалноста на организмот, а ја намалува неговата киселост. На овој начин го спречува растот и развојот на бактериите. Консумацијата на просо докажано го подобрува видот и е многу добро средство за ублажување на проблеми со кожата и алергии, што повторно е благодарение на салицилната киселина. Се работи за алкална намирница која делува како мелем на цревата и го спречува размножувањето на бактериите во нив.
Иако просото во првата половина на 20 век важело за „леб за сиромашните“, денес се повеќе се зборува за него и се испробува во разни рецепти. Кашата често се подготвува за појадок. Просото може да се подготви и како супа, во млеко, како додаток на кисела зелка, јадења со печурки или во комбинација со овошје.
Ако сакате да го приготвите просото единствено во вода тогаш може да додадете зачини како што е циметот за да го подобрите неговиот вкус. Може да додадете и банана или сок од лимон.
