Добрата хигиена на урогениталната регија и миењето раце е клучна превентива од упорната и здодевна инфекција со ешерихија коли. Исхраната, исто така, е важна, а таа би требало да биде без слатки, со помалку млеко и млечни производи, како и месо.
Повеќе треба да се консумира зеленчук, затоа што во кисела средина бактериите имаат значително помала шанса за размножување. Со регулирање на столицата жените во значителна мера можат да ја намалат можноста за појава на инфекции, истакнуваат стручњаците.
Како резултат на лошата хигиена инфекцијата со ешерихија коли можат да ја добијат и мошне мали девојчиња. За да се одбегне инфекцијата на детето редовно треба да му се менуваат пелените и обавезно гениталниот предел се брише од напред кон назад. Малите деца оваа состојба ја изразуваат со плачење, а понекогаш е присутна и покачена телесна температура.
