Човечката природа е тема на многу дискусии веќе илјадници години, а со помош на модернанта технологија и наука, оваа мистерија почнала да се разоткрива. Во раните фази на студиите научниците успеале да дојдат до фактот дека човечкиот мозок е подреден да им помага на другите.
Со скенирање на мозокот може лесно да се воочи како размислувањето за туѓите проблеми ги активира истите делови на мозокот кои се активираат кога размислуваме и за своите, додека сочувството ги активира деловите одговорни за чувството за задоволство. Истржувањата покажуваат дека работењето во туѓо име помага да се чувствуваме подобро. Но тоа не е се. Научниците утврдиле дека правење добри дела влијае на здравјето на луѓето, а некои студии дури заклучиле дека алтруизмот помага да живееме подолго.
Една студија заклучила дека редовно правење добри дела го намалува ризикот од предвремена смрт за 44%. Друга студија спроведена во 1990 година која ги истражувала личните есеи на часните сестри од 1930 година, открила дека часните сестри кои искажувале повеќе емоции од другите, живееле 10 години подолго од другите.
Многу студии покажале дека алтуризмот значително го намалува нивото на стрес, главна причина за многу болести, а со самото тоа и значително ја менува нашата филозофија.
Кај жените кои сакале да им помагаат на другите луѓе, е пронајдено повисоко ниво на окситоцин, хормон за поврзување кој ни помага да се чувствуваме добро. Поврзаноста на окситоцинот и добрите дела е потврдена и со уште една студија. Окситоцинот е одговор за стресот. Кога лицето е алтруистично, нивото на окситоцин се зголемува, што значи дека стресот се намалува, заклучил Грегори Фришион, професор по психијатрија на Харвард.
Бројни студии спроведени во различен временски период од различни држави, заклучиле една заедничка работа – алтруистични емоции создаваат физиолошки реакции во телото, така што го зголемуваат нивото на хормонот окситоцин поради кој се чувствуваме добро, го намалуваат нивото на стрес и го подобруваат имунитетот (поголемо ниво на заштитни антитела).
