Противвоспалителни својства: Можеби покрај овој, нема да ви треба друга причина веднаш да излупите и изедете еден морков! Освен противвоспалително дејство, се смета дека ги смирува болките, а може да се јаде и свеж и варен – сеедно е.
Штити од појава на карцином: Истражување објавено во онлајн изданието на Archives of Internal Medicine, открило дека овој зеленчук изобилува со алфа-каротен, делува како антиоксидант, па се спротивставува на споменатото оштетување. Морковот е богат со витамини А и Ц во форма на бета-каротен, познат по стимулацијата на производството на белите крвни зрнца, кои му помагаат на организмот во борбата против канцерогените клетки.
Спречува макуларна дегенерација: Станува збор за честа очна болест, особено кај постарата популација. Бројни истражувања покажале дека со консумација на зголемени количини на бета-каротен, се намалува веројатноста од развој на оваа болест и тоа речиси за 40%.
Со морков против брчки: “Обоениот“ зеленчук или овошје како морковот, пигментот го добиваат од бета-каротенот, силен антиоксидант кој во организмот се претвора во витамин А. Бета-каротенот, исто така ја балансира pH вредноста на кожата, помага во борбата против сувоста, и ја поттикнува регенерацијата на клетките. Резултат е нежна и мека кожа.
