Се проценува дека 80 проценти од луѓето во некој период од својот живот патат од болки во грбот. Болката може да биде предизвикана од повреда или, пак, да има органска причина, но мошне често е предизвикана токму од лошите навики и некои секојдневни активности.
Недоволната физичка активност е една од најчестите причини за болка во грбот. Многу луѓе работат седејќи, се враќаат дома со автомобил или превоз и на крајот од денот повторно седат, овој пат пред телевизор или компјутер. Но за телото правилно да функционира потребно му е движење. Ако заради работата морате постојано да седите, тогаш на секој час правете паузи од неколку минути и прошетајте или направете неколку вежби за истегнување. Кога и да сtе во можност место скали користете лифт, одете додека зборувате на телефон, а ако сакате да гледате телевизија тогаш обавезно станете и размрдајте се за време на рекламите.
Лошата положба на телото додека седиме, исто така, може да предизвика болки во грбот. Прилагодете го својот животен и работен простор, како и седиштето во автомобилот доколку често сте зад воланот, така што секогаш ќе имате исправена положба на телото, без непотребно искривување на грбот или вратот. Одбегнувајте премногу меки фотелји или кревети кои не пружаат потпора на грбот додека седите. Неудобен или премногу стар душек, исто така, може да предизвика и дури да ги влоши постоечките болки во грбот. Би вило добро на секои 8 до 10 години да го менувате душекот, а и порано доколку тој „пропаднал“ на одредени делови или се деформирал.
