![orevi](https://panacea.mk/wp-content/uploads/2018/04/orevi-696x463.jpg)
Оревите се богати со витамини од Б-комплексот, калиум, манган, магнезиум и цинк, како и со омега-3 масни киселини и фитостероли. Некои поранешни студии веќе укажале на поволните здравствени ефекти од редовното консумирање на оревите – како што се регулацијата на нивото на холестеролот, намалување на кардиоваскуларниот ризик и ризикот од дијабетес, а сега резултатите од една американска студија покажале дека оревите позитивно влијаат и на цревната микрофлора.
Имено, оревите доведуваат до зголемување на количествата на пробиотици, како и до поголема разновидност на пријателските бактерии во цревата. На овој начин, оревите го намалуваат ризикот од воспалителни болести на цревата и дебелина.
За споменатите поволни здравствени ефекти, научниците препорачуваат количество од околу 60 г ореви дневно (околу 30 половинки ореви).