Ако секој почеток на денот ви изгледа исто, имаме решение за вас. Внесете нови активности во вашата рутина за да се чувствувате подобро во текот на целиот ден! Почнувајќи од подготовка на поинаков појадок, сè до начинот на кој се будите – сето тоа игра голема улога во тоа како ќе ви помине денот. Еве што препорачуваат експертите.
Прескокнете го туширањето
Ако сте се туширале пред да си легнете, не ви треба уште еден туш наутро. Некои научници тврдат дека честото туширање може негативно да влијае на вашата кожа и коса. Дерматологот Лин Голдберг вели дека луѓето кои често ја мијат косата имаат повеќе проблеми со темето, бидејќи со миењето им се суши кожата на главата и се излачува повеќе масло.
Оставете го кафето за подоцна
Нивото на кортизол (хормон кој влијае на стресот) е различно во различен период од денот. Кај повеќето луѓе тој е на врвот токму наутро, помеѓу 8 и 9 часот, а кафето може само да го зголеми неговото ниво. Најдобро е да почекате малку за кафето и да го испиете подоцна, кога ќе дојдете на работа, на пример.
Утринско трчање
Истражувањата покажаа дека утринското трчање може битно да влијае на зголемување на енергијата, но и на губење на вишокот на тежината. Особено кога трчате на празен стомак. Освен трчањето, добра е каква било физичка активност. Започнете го денот со некој интензивен тренинг, како што е кардио или аеробик.
Изедете убав појадок
Овесни снегулки и јаткасти плодови, грчки јогурт и омлет се одличен избор за здрав појадок. Нема да бидете гладни подолго време и ќе бидете подготвени за нови работни победи.
Заборавете на витамините
Експертите предупредуваат дека витамините во облик на таблети се хемиски преработки кои не ви се потребни доколку здраво се храните.
