Турбуленциите, секако, не се пријатна работа додека патувате со авион, особено за оние со страв од летање или слаб стомак. Но не секој дел од авионот се тресе подеднакво. Кое е најдоброто место каде што турбуленцијата се чувствува најмалку?
„Во принцип, турбуленциите ќе ги почувствувате најмалку доколку седите во средината на авионот“, објаснува професорот Андреас Штрохмајер од Универзитетот во Штутгарт.
Авионот најмалку се тресе на местото каде што крилјата се спојуваат со трупот
Исто така, патниците сместени во средината на авионот, најмалку ја чувствуваат и промената на правецот на летање. Спротивно на тоа, најнемирен дел од авионот за седење е задниот.
Кога пилотот го управува авионот, патникот на опашката на авионот може да почувствува како нешто го влече од седиштето, а при турбуленции како да го туркаат.
Местото во опашката на авионот не е идеално ни при полетување.
„Кога авионот се крева, тие што седат во задниот дел имаат чувство како да пропаѓаат во лифт“, вели Штрохмајер.
