Тинејџерките кои имаат нередовни менструални циклуси изложени се на поголема опасност од дебелина, како и на порани симптоми на дијабетес и срцеви болести, во споредба со девојчињата со уреден циклус, тврдат стручњаците од Универизтетот во Синсинати.
Неодамнешно истражување потврдило дека постои врска помеѓу нередовниот менструален циклус во адолесценцијата, како и дијабетесот и срцевите болести кои се јавуваат подоцна во животот. Благодарение на ова сознание, сега ризикот од заболување од дијабетес и срцеви болести може значајно порано да се идентификуваат, а со самото тоа и да се превземат соодветни чекори во тој поглед, објаснуваат експертите.
“Во адолесцентската медицина постои заблуда дека се потребни неколку години додека циклусот не се регулира, така што по тоа прашање долго ништо не се превзема. Но, тоа е погрешно, оти и кај многу млади девојки неизедначениот циклус не треба да се смета за нормална работа и да се занемарува“, истакнува д-р Чарлс Глуек, еден од авторите на студијата.
На основа на истражувањето кое било спроведено на 370 девојки на возраст од 14 до 19 години, стручњаците дошле до заклучок дека девојчињата кои имаат нередовен циклус, односно кои неколку пати годишно менструација добивале на 42 или повеќе денови, биле покрупни од своите врснички, а имале и повисоко ниво на тестостерон во крвта.
