Луѓето на кои им е дијагностициран карцином имаат во просек 35 % повисок ризик од развој на дијабетес, утврдиле корејските истражувачи од Универзитетот во Сеул.
Во студијата биле користени податоци на повеќе од половина милион луѓе на возраст од 20 до 70 години. Учесниците во истражувањето биле следени повеќе од 7 години, а резултатите се објавени од списанието „JAMA Oncology “.
Истражувачите објасниле дека зголемениот ризик бил независно од факторите како што се дебелина, пушење или консумирање алкохол.
Добиените резултати може да се објаснат со последиците од терапијата за рак и последиците од самиот карцином
Најголемо зголемување на ризикот е присутно кај пациенти со рак на панкреасот, на кои им се заканува пет пати повисок ризик за дијабетес тип 2.
Два пати поголем ризик од дијабетес тип 2 им се заканува на пациентите со рак на црниот дроб или бубрезите.
Најголем ризик за дијабетес тип 2 бил забележан во првата година по дијагностицирањето на ракот.
