Најновата студија докажала дека излегувањето од канцеларија или од работното место генерално има големи бенефити за здравјето. Одморот е мошне важен затоа што доведува до значително намалување на стресот, а со тоа се намалува и ризикот од срцеви болести.
Научниците докажале дека луѓето кои одат на одмор барем еднш годишно имаат значително помал ризик да развијат таканаречен метаболички синдром. Овој медицински поим опфаќа висок крвен притисок и холестерол во комбинација, што е и повеќе од доволно за развој на разни заболувања на срцето, шлог и дијабетес тип 2.
Стручњаците за време на истражувањето покажале дека за четвртина се намалува ризикот од овие болести кога човекот во својата годишна рутина сместува и одмор.
Универзитетот во Сиракуза спровел истражување на чело до доктор Брајс Хруск над 63 работници кои имале платен одмор. Нивните животи биле набљудувани во траење од 12 месеци, а особено внимание било посветено на оние кои развиле метаболички синдром.
Резултатите од истражувањето се објавени во научниот магазин „Psychology & Health journal“ и покажале дека оние кои искористиле две недели годишен одмор ја намалиле шансата за заболување од срцеви болести за дури 25 отсто.
Кај луѓето кои не одат на одмор ризикот за појава на болести на срцето се зголемува за 47,6 отсто.
Најдобар избор за одмор е какво било патување или изместување од секојдневната средина и рутина. Тогаш телото се опушта, се лачат хормони на среќа, а се намалува нивото на лачење на хормонот кортизол. Значи, доколку си мислите добро и доколку сакате здравјето да ви биде на завидно ниво, тогаш одморот сфатете го како неопходно решение на ситуацијата.
