Со истражување се покажало дека газираната вода и газираните пијалаци воопшто го зголемуваат апетитот и со самото тоа можат да влијаат на зголемување на телесната тежина.
За да ја проверат претпоставката дека пијалаците со додаток на јаглерод диоксид го отвораат апетитот, научниците спровеле истражување над животни, како и над 20 доброволци. Истражувањето покажало дека овие напитоци предизвикуваат зголемување на нивоата на грелин, хормон кој го регулира апетитот.
Имено, кај животните и луѓето кои наутро пиеле газирана вода нивоата на грелин биле шест пати повисоки отколку кај другите испитаници, односно оние кои пиеле негазирана вода, што резултирало со зголемување на нивната телесна тежина.
