Нурнувањето во „када полна со мраз“ после тренинг повеќе не е резервирано само за атлетичарите!
Истражувањата покажале дека со овој метод можете да го забрзате опоравувањето и да се подготвите за следниот предизвик. Десет ледени минути е магична бројка за сите кои сакаат да се опорават од физичките напори предизвикани со вежбањето – без разлика дали трчате, возите велосипед или кревате тегови.
За време на направено шестнеделно истражување „ледените купки“ однеле убедлива победа во однос на вообичаеното туширање после тренинг.
Научниците во Американскиот совет за вежбање дошле до нови откритија, после споредувањето на добиените резултати. Имено, човековото тело подложено на ниски температури поефикасно и побрзо ги санира последиците настанати од зачестени тренинзи – болка во мускулите, зглобовите, замор и воспаленија.
Исто така, било утврдено и дека 10 минути престој во ладна вода се сосема доволни (резултатите на оние кои се „мрзнеле“ и до 20 минути не покажале драстични разлики).
