Можеби за некого ќе изгледа само како изговор, но излегувањето на пиво и дружењето со пријателите, е корисно за мажите на неколку нивоа! Посетата на пабот може да направи чуда за менталното здравје на мажите, велат експертите од Медицинскиот истражувачки совет на Западна Шкотска. Тие се концентрирале на мажи на возраст меѓу 30 и 40 години кои во група излегувале на пиво, ги проучувале нивните навики за пиење алкохолни пијалаци, а заклучокот е помалку изненадувачки и за експертите.
„Најизненадувачки момент е начинот на кој консумирањето алкохол им отвора можност на мажите за алтернативно однесување – на начин кој не е поврзан со машкоста. Кога ќе се напиете неколку кригли или чашки, тоа ви помага да ги изразите своите чувства, нешто што тешко би го направиле во секојдневниот живот. Лично не ги прашував испитаниците за менталното здравје, туку тие самите го спомнуваа“, истакнал д-р Керол Емсли, раководител на студијата.
Заклучокот на нејзината студија го сруши стереотипот за тивки мажи кои не ги откриваат своите чувства. „Консумирањето алкохол во друштво има позитивен ефект врз менталното здравје. Луѓето пијат заедно, се смеат и се шегуваат, а тоа го подобрува расположението. Ви помага да се отворите и да се релаксирате“, објаснува Емсли.
Таа додава подлабоко објаснување на машката дружба, која би можела да помогне при интервенции поради можни проблеми: „Мора да се свртите кон културолошката страна на консумацијата на алкохол и да го разберете тоа како задоволство, социјално е и клучно за пријателството. Ако го игнорирате овој факт, тогаш не го разбирате контекстот во кој луѓето пијат“.
