Постојат се повеќе студии кои укажуваат на поволните здравствени ефекти на редовното пиење кафе, се разбира, во ограничени количества и без претерување. Меѓутоа едно од поновите покажало дека дури и мирисот на овој напиток на своевиден начин делува врз нашиот организам.
Имено, група американски истражувачи врз основа на низа анализи утврдиле дека мирисот на кафето го стимулира мозокот и ги зголемува мисловните способности на човекот.
Тие направиле и истражување во кое учествувале 100 студенти кои биле поделени во две групи, и правеле тест по математика. Првата група го решавала тестот додека во просторијата се чувствувал мирис на кафе, а втората тестот го правела во која немало никаков мирис. Се покажало дека првата група постигнала подобри резултати на тестот.
Според авторите на студијата, учесниците од првата група не само што подобро ги решавале задачите, туку биле и уверени дека им оди подобро, што, исто така, делувало поттикнувачки на нивниот резултат. Заклучокот е дека, меѓудругото, мирисот на кафе, иако не содржи кофеин, делува на сличен начин како и самиот напиток, што укажува и на можниот плацебо ефект на мирисот на кафето.
