Мајките, па и трудниците често ќе ги слушнете како се жалат на заборавеност или расеаност поради хормоните или недостатокот на сон, но едно ново истражување спроведено во Норвешка покажува дека всушност нивниот мозок се подмладува. Имено, жените кои раѓаат деца имаат мозок помлад од нивната вистинска возраст, а тоа е така благодарение на естрогенот кој се излачува во текот на бременоста.
„Кога го набљудуваме начинот на кој мозокот старее забележуваме многу важна разлика меѓу мозокот на жените кои родиле и оние кои не родиле. Скенирањата покажаа дека нивниот мозок е помлад за шест месеци во однос на нивата вистинска возраст, што значи дека бременоста ги подмладила“, вели докторката Ен-Мари де Ланг од Универзитетот во Осло.
Истражувањето опфатило 12 000 жени на средна возраст, од кои 9 500 имале деца. Била набљудувана масата на нивниот мозок и количината на сивите клетки, а се покажало дека мозокот на мајките делува помладо покрај промените предизвикани од бременоста и одгледувањето на детето.
