Најновата студија покажала дека само еден ден неспиење може лошо да делува на срцето, а научниците за прв пат проучувале како 24-часовното дежурство влијае на работата на срцето.
„Докажавме дека недостатокот на сон може да доведе до зголемување на кардио контракциите, крвниот притисок и отчукувањата на срцето“, рекол авторот на студијата, д-р Даниел Китинг од Универзитетот Бон во Германија.
Во студијата учествувале 20 здрави радиолози, 19 мажи и 1 жена, а просекот на години изнесувал 31,6. Спиеле во просек околу три часа, а срцето им се прегледувало пред и после целодневна смена со помош на ЦМР. Научниците ги мереле функциите на срцата, крвниот притисок и бројот на оттчукувања. Извршена е и анализа на крвта и урината. Заради недостатокот на сон, кај учесниците во истражувањето е забележано зголемување на напрегањето на срцето зашто тоа морало да работи за 10 % повеќе отколку што е вообичаено. Исто така, се зголемило нивото на хормонот на штитната жлезда (ТСХ, Т3 и Т4) и кортизолот, хормон кој настанува како одговор на организмот на стрес.
„Учесниците не смееле да консумираат кофеин, како и храна и пијалаци во кои има теобромин (на пример, чоколадо, оревести плодови или да се под влијание на околината), па не ги зедовме предвид факторите како што се индивидуалните нивоа на стрес или влијание на околината“, рекол д-р Китинг, кој смета дека е потребно да се направат повеќе студии за можните долгорочни последици од недостатокот на сон.
„Со оглед на тоа дека луѓето имаат се подолго работно време или работат повеќе од една работа, важно е да се истражи што се случува кога премногу се работи, а премалку се спие“, рекол д-р Китинг и уште појаснил дека овие сознанија можат да помогнат подобро да се разбере како должината на работното време влијае врз здравјето на луѓето.
