Сите барем еднаш во животот сме рекле ’умирам од досада’, но повеќето луѓе не мислат дека тоа е навистина возможно. Но се покажало дека досадата и буквално убива. Иако делува неверојатно, спроведеното истражување покажало дека постои поврзаност меѓу многу случаи на предвремена смрт и досадата. Но најголем ризик од ’умирање од досада’ всушност не носи досадувањето само по себе, туку она што го правиме обидувајќи се да се спасиме од досадата. Личностите на кои се лесно им здосадува, почесто се впуштаат во ризични однесувања, во потрага по возбуда. Од невнимателно стапување во сексуални односи до екстремни спортови, работи кои значително го скратуваат животниот век.
Тинејџерите се склони на досада затоа што во денешно време се изложени на преголем број стимуланси од сите страни, од игрички до тв-програми и социјални мрежи и кога акцијата ќе се „забави“ не умеат да се носат со тоа. Повеќето Луѓе овој проблем го надраснуваат во некој момент, но не секогаш.
Од видот на личноста зависи дали таа во потрага по возбуда ќе биде склона на ризично однесување. Причината заради која чувството на досада ни е непријатно, лежи во допаминските рецептори. Кога сме возбудени се лачи невротрансмитерот кој предизвикува чувство на восхитеност и во такви ситуации чувствуваме задоволство и природно, сакаме уште. Во некои случаи, во зависност од типот на личност, може да се случи личноста да стане буквално зависна од ова чувство и со самото тоа досадата и станува неподнослива. Дури и ако ја исклучите потрагата по постојани возбудувања низ рани екстремни спортови, на пример, тимот на научници од Универзитетот во Лондон утврдил дека животниот вцек се скратува доколку на луѓето им е здодевно.
За време на истражувањето, научниците ја проучувале општата здравствена и емоционална состојба на службениците на јавните претпријатија и се покажало дека оние кои се жалат дека во животот им е здодевно имаат поголем ризик од предвремена смрт. Анализата на добиените податоци покажала дека луѓето кои се жалат на досада имаат повеќе шанси да умрат млади, а оние кои имаат „високо ниво“ на досада имаат повеќе од 2,5 пати шанси да умрат од срцеви болести или напади во споредба со луѓето кои се задоволни од својот живот.
Во истражувањето учествувале преку 7000 службеници кои биле следени во период од 25 години. Оние кои изјавиле дека им е здодевно имале веројатност од 40 отсто да умрат до крајот на студијата во однос на оние кои не го кажале тоа. Научниците истакнуваат дека резултат на оваа состојба би можеле да бидат пушењето и опивањето на оние кои изјавиле дека им е здодевно, што на крајот им го скратува животот.
