Во многу семејства се водат шеговити дебати околу тоа на кого личи детето, на кого е убаво, паметно, високо, талентирано за музика, уметност… И секоја мајка и секој татко „тврдат“ дека сите прекрасни особини подмладокот ги наследил токму по нивна линија.
Но еве ’лоша вест’ за татковците… Жал ни е, но науката вели дека децата интелигенцијата ја наследуваат од мајките.
Бројни студии докажале дека за интелигенцијата е „одговорен“ Х хромозомот. Жените ги имаат два (ХХ), додека мажите имаат само еден (ХY), така што два пати е поголема веројатноста детето да ја наследи интелигенцијата од мама отколку од тато.
Науката си го кажа своето!
Сепак, ова не е непроверена теорија, да нема дилема повеќе претходни истражувања ја потврдуваат. Студијата на група научници од Центарот за медицински истражувања во Глазгов покажала дека, да речеме, коефициентот на интелигенција на детето е поблизок до оној на мајката, отколку на оној кој го има таткото.
Научниците децата кои на почетокот од студијата имале 14 години ги интервјуирале еднаш годишно до нивниот 22 роденден, а за време на тестирањето се земани предвид различни фактори, како што се образованието и социоекономскиот статус, пренесува британски „Мирор“.
Се покажало дека најдобар начин да се предвиди коефициентот на интелигенција на децата е коефициентот на мајката, бидејќи тестирањата покажале дека резултатите варираат за само 15 поени.
Сепак, има научници кои не се согласуваат во целост со оваа едноставна теорија за Х хромозомите, тврдејќи дека генетиката не е единствен фактор кој влијае на тоа колку детето ќе биде интелигентно. Се проценува дека меѓу 40 и 60 проценти од интелигенцијата се наследни, додека на остатокот влијаат факторите на опкружувањето.
