Истражувањето покажало дека со секои 10 см висина ризикот од рак се зголемува за 10 %. Сличен е случајот и кај кучињата – за помасивните раси е докажано дека имаат поголеми шанси да заболат од оваа опака болест.
Научниците за овој феномен имаат неколку објаснувања, вклучително и тоа дека хормоните кои доведуваат до раст, исто така, влијаат на развојот на рак, но битна улога игра и околината и исхраната во детството.
„Една од главните претпоставки е дека нешто се случува рано во детството и ги прави клетките поподложни на рак, но и ве прави повисоки“, вели Леонард Нуни, професор по биологија на универзитетот Риверсајд во Калифорнија.
Неговото истражување ја следело мутацијата на клетките на личностите во текот на животот: ако се случат одредени мутации ќе се поттикне одреден вид рак. Теоријата покажува дека колку повеќе клетки имате, тие повеќе се делат и со самото тоа сте под поголем ризик.
Резултатите покажале дека кај жените за секои 10 см висина над просекот ризикот се зголемува за 13 отсто, додека кај мажите станува збор за зголемување од 9 отсто.
„Без оглед дали сте високи заради добрата исхрана или родителите ви се високи, важен е само бројот на клетки“, предупредува Нани.
Истражувањето покажало дека врската меѓу висината и ракот на кожа (меланом) е посебно изразена заради хормонот IGF-1. Овој хормон се зголемува кога клетките се делат.
Сепак, и покрај поврзаноста на висината и ризикот од рак во рашање е само мал ризик, а поважни се други фактори: како што е пушењето и одржувањето здрава телесна тежина.
