Според резултатите на една неодамнешна американска студија хроничната изложеност на бука доведува до силен стресен одговор во мозокот, што може да предизвика воспалителни процеси во крвните садови. Овој вид воспаление може да предизвика сериозни здравствени проблеми како срцев и мозочен удар. Една поранешна студија, пак, веќе предупредила на тоа дека животот, односно живеењето покрај прометни улици неповолно влијае на здравјето, со тоа што го зголемува ризикот од срцеви заболувања и дијабетес.
Кога се кардиоваскуларните заболувања во прашање, има повеќе фактори на ризик кои учествуваат во создавањето на самата болест. На одделни фактори (како годините) не можеме да влијаеме, но здравата исхрана, престанокот на пушење и редовната физичка активност можат да ни помогнат да го намалиме кардиоваскуларниот ризик.
Кога зборуваме за изложеност на врева, со оглед на тоа дека не можеме тукутака да се преселиме во помирна околина, авторите на студијата сугерираат да се разгледаат начините за намалување на нивоата на врева во опкружувањето.
