Нова студија покажува дека постои поврзаност помеѓу развојот на долг ковид и менталните болести. Имено, стресот, депресијата и анксиозноста го зголемуваат ризикот од развој на долготрајни симптоми на коронавирусот.
Луѓето кои пријавиле некој од овие проблеми пред да се заразат со коронавирус имале 32 до 46 отсто поголем ризик да развијат долг ковид, отколку луѓето кои ги немале овие проблеми, покажуваат резултатите од новото американско истражување.
Според резултатите, менталните болести може да влијае на физичките симптоми на КОВИД-19. Но, истражувачите напоменуваат дека пост-ковид состојбите не се психосоматски.
Во своите резултати истакнуваат неколку работи.
Меѓу испитаниците кои развиле пост-ковид синдром, повеќе од 40 проценти немале никакви тегоби на почетокот. Симптомите на пост-ковид се разликуваат од симптомите на менталните болести. Иако замор може да се појави со депресија, проблемите со мирисот и вкусот, отежнато дишење и краткиот здив и кашлањето не се вообичаени симптоми на ментална болест.
Истражувачите истакнуваат дека претходните истражувања покажале дека состојбите на менталното здравје се поврзани со подолго траење на акутни респираторни инфекции, како што се грип или настинка.
Исто така, постојат докази кои, како што наведуваат, покажуваат дека некои луѓе со ментални здравствени проблеми понекогаш развиваат автоантитела кои исто така се поврзани со зголемен ризик од долг ковид. Но, потребни се повеќе истражувања, велат тие, за тоа како психолошкиот стрес го зголемува ризикот.
