Можеби омилен преглед не ви е вадењето крв, но ова испитување може да открие кое ниво на токсични компоненти се наоѓа во крвта.
Овие токсични материи се продукт на некои намирници што ги јадеме и резултатот може да помогне да го намалите ризикот од развој ан акрдиоваскуларни болести и предвремена смрт.
TMAO (Trimetilamin N-oksid) е токсично соединение што се произведува при интеракција на некои намирници и микроби во желудникот во текот на дигестијата, а како таков не се наоѓа во храната, појаснува Пурна Кашјап, гастроентеролог од клиниката Мајо. Сепак, ако јадете некои намирници, микробите за време на варењето ќе ги претворат во токсични соединенија, кои црниот дроб ги претвора во TMAO, објаснува лекарот. Со текот на времето, тој се акумулира во телото и го зголемува ризикот од атеросклероза – таложење на наслаги во артериите и ве прави поподложни на кардиоваскуларни болести, инфаркт и мозочен удар.
Лицата кои имаат покачени нивоа на TMAO имаат двојно поголем ризик од срцеви заболувања, а за да ги намалат тие нивоа, лекарот советува да се потпрете на исхрана богата со влакна и да користите многу маслиново масло кое содржи некои од ензимските инхибитори кои се потребни за создавање на TMAO. Ако избегнувате одредена храна, и тоа може да ви помогне. Во продолжение ви откриваме кои се тие намирници кои предизвикуваат вакви проблеми.
ЦРВЕНО МЕСО
Постојат многу мислења за тоа колку е здраво црвеното месо, но некои студии велат дека може да го зголеми ризикот од развој на неколку опасни болести. Можеби знаете дека во овој вид месо постојат заситени масти и дека тие го зголемуваат ризикот од развој на болести, но новите податоци откриваат дека производството на TMAO се зголемува кога се јаде црвено месо.
“Црвеното месо е најпознатата намирница што доведува до овие промени, а покаченото ниво на соединението TMAO е поврзано со зголемен ризик од развој на болести на бубрезите, заедно со кардиоваскуларни болести“, потенцира д-р Кашјап.
ЈАЈЦА
Јајцата често се пофалени за нивните здравствени придобивки, но ако јадете премногу тие можат да предизвикаат проблеми со срцето. Ако јадете две или повеќе јајца дневно, може да дојде до зголемување на нивото на токсичност во крвта и урината, така велат резултатите од студија направена во 2014 година. Жолчката содржи околу 115 мг холин, што е повеќе од 25 проценти од дневната препорачана доза. Ако изедете две јајца за појадок, тоа ќе ви даде половина од препорачаната доза. Ако сакате да го заштитите срцето, но не можете да престанете да јадете јајца, има многу билни замени кои ги нудат сите хранливи материи, како и јајцата.
МЛЕЧНИ ПРОИЗВОДИ
Во последно време многу се зборува за млекото, со фактот дека околу 68 отсто од светската популација е осетлива на лактоза. Многумина се прашуваат дали млекото е воопшто здраво за нас. Според една студија од 2015 година, исхраната богата со млеко е поврзана со повисоко ниво на воспаленија, а ако често пиете млеко, можеби ќе треба да ја проверите крвта кај вашиот лекар.
