Стомакот може да открие многу работи и за здравјето; болка, мачнина или грчеви може да бидат последица од лош оброк, гастритис, камењеа во жолчка… Но, еден симптом може да биде знак кој открива дека нешто не е како што треба со црниот дроб.
ЦРНИОТ ДРОБ Е ВКЛУЧЕН ВО ОКОЛУ 500 ФУНКЦИИ НА ОРГАНИЗМОТ
Црниот дроб е најголемиот внатрешен орган во телото, клучен во дигестијата. Во црниот дроб, крвта од цревата се филтрира, хранливите материи апсорбирани од цревата се обработуваат и складираат, тие се создаваат и, доколку е потребно, се претвораат во енергија или други супстанции важни за градењето на ткивата. Во црниот дроб се отстрануваат токсичните материи од телото, се создаваат материи важни за нормално згрутчување на крвта, а црниот дроб е исто така многу важен и во одржување на нормалните вредности на шеќерот во крвта. Органот можеби не е голем, но е вклучен во околу 500 витални функции на организмот.
ДИГЕСТИВНИОТ СИСТЕМ Е ПОВРЗАН СО ЦРНИОТ ДРОБ
Можеби мислите дека само желудникот и цревата се одговорни за варењето, но и црниот дроб тука игра голема улога. Нејзината најважна задача е да ги обработува хранливите материи и витамините апсорбирани во цревата. Со помош, при апсорпцијата на хранливите материи и производството на хемикалии, црниот дроб од организмот ќе ги исфрли сите штетните материи наталожени во него. Ова е токму една од функциите за кои црниот дроб се нарекува витален орган. Затоа, црниот дроб е исклучително важен орган и додека можете да живеете без дел од црниот дроб, никако не можете да живеете без целиот.
БОЛЕСТ НА ЦРНИОТ ДРОБ МОЖЕ ДА ВОДИ ДО ПРОБЛЕМИ СО СТОМАКОТ
Туморите што се формираат во внатрешноста на црниот дроб може да предизвикаат проблеми со стомакот кога растат, а сите тумори кои се малигни и се шират на околните ткива или органи се исто така рак на црниот дроб.
Туморот на црниот дроб може да лачи хормони кои можат да влијаат на другите органи, објаснуваат експертите од Американското здружение за рак, а д-р Андреа Палка наведува дека тој процес понекогаш може да предизвика високо ниво на калциум во крвта. Бидејќи црниот дроб е блиску до желудникот, ракот на црниот дроб може да се манифестира како болен стомак со повраќање и гадење.
“Бидејќи гадењето или мачнината е чест симптом на други состојби, и сериозни и бенигни, лесно е да се поврзе со инфекција, проблеми со патувањето или труење со храна. Доколку постојано се повторува и притоа се јавува повраќање или кој било друг симптом на рак на црниот дроб, време е да се јавите кај вашиот лекар што е можно поскоро за да се открие која е причината“, додава докторката. Некои од дополнителните симптоми на премногу калциум во крвта се и збунетост, запек, болки во мускулите, жед…
РАКОТ НА ЦРН ЦРОБ ЧЕСТО Е БЕЗ РАНИ СИМПТОМИ
Болеста во почетокот не предизвикува никакви симптоми, но со постепеното зголемување на туморот, може да се јави подмолна болка под десниот ребрен лак која се шири во грбот и кон лопатката, чувство на слабост и малаксаност и необјасниво губење на телсната тежина. Понекогаш самите пациенти напипуваат јазлеста формација под десниот ребрен лак, што може да биде знак за присуство на тумор или зголемување на црниот дроб, а значителен број пациенти однапред знаат дека имаат хронично воспаление или цироза на црниот дроб.
Ракот на црниот дроб почесто се јавува кај мажите отколку кај жените, како и кај лица постари од 60 години. Факторите на ризик се кумулативни; на пример, кај лице кое консумира алкохол и има хронично вирусно воспаление на црниот дроб, ризикот се собира и на тој начин се зголемува.
