Сите знаеме колку е важна хидратацијата. Освен регулацијата на телесната температура, пиењето доволно вода е од витално значење за детоксикација и треба да биде приоритет во текот на денот. Но, може ли да пиеме премногу вода?
Додека идеалната количина на вода варира од личност до личност врз основа на географската локација, типот на телото и многу повеќе, иако е потребно многу за да се достигне точката на “претерана хидратација“, можно е да се пие премногу вода.
“Во прекумерна хидратација, вишокот вода ја разредува концентрацијата на електролити во крвта, предизвикувајќи нерамнотежа во многу телесни системи“, појаснува д-р Кетрин Волдроп.
Пиењето премногу вода дури може да доведе до електролитен дисбаланс наречен хипонатремија, што може да има некои прилично тешки несакани ефекти врз телото. Благата хипонатремија се карактеризира со симптоми на гастроинтестиналниот тракт: гадење, повраќање, губење на апетит…
За среќа, релативно е малку веројатно дека сте премногу хидрирани, бидејќи тоа би барало од вас да пиете екстремни количини вода дневно. Меѓутоа, ако вашата урина е целосно проѕирна, тоа може да биде знак дека треба да ја намалите количината на вода што ја пиете.
