Здравото срце чука со рамномерен ритам од 60 до 100 пати во минута. Сепак, во некои ситуации се случува срцето да не работи според својот вообичаен ритам.
Срцевата аритмија претставува отстапување од регуларните срцеви отчукувања. Срцето во тој случај работи неправилно, пребрзо или пребавно.
Повременото прескокнување на срцевиот ритам во најголемиот број од случаите е безопасно, но има случаи кога тоа може да биде предупредување за некои сериозни состојби.
Заради тоа, доколку невообичаениот срцев ритам е поврзан и со други симптоми како на пример несвестица или чувство дека само што не сте се онесвестиле, ви неодстасува воздух или имате болка во градите, треба да се јавите на доктор. Итна посета на лекарот треба да се направи и доколку аритмијата трае подолго од 30 секунди, или доколку сте преживеале инфаркт.
Најчесто симптомите на аритмијата се:
- Треперење на срцето
- Неправилен пулс
- Неодстаток на воздух, особено за време на физички активности или емоционален стрес
- Слабост и замор
- Вртоглавица и конфузност
- Краткотрајно губење на свеста (синкопа)
- Болка во градите
Срцевата аритмија најчесто се открива во текот на рутинските медицински прегледи, заради тоа што повеќето од пациентите немаат изразени симптоми. Некои ожат да го забележат неправилниот пулс, но без други знаци на болеста.
Благите симптоми се развиваат уште на почетокот на болеста, додека посериозните се појавуваат неколку дена откако аритмијата веќе започнала. Од тие причини многу е важно да се препознаат првите симптоми и лекувањето да започне навреме за да се избегнат посериозните последици за здравјето, како срцев удар или затајување на срцето, кои може да се случат и пред воопшто да се открие аритмијата.
