ДОКОЛКУ ВАКА СЕ ЧУВСТВУВАТЕ ПО БУДЕЊЕТО НАУТРО, може да биде опасно

Поголемиот дел експерти препорачуваат најмалку седум часа квалитетен сон, но алармантен број на луѓе по будењето и понатаму се чувствуваат уморни.

За луѓето кои спијат помалку од препорачаната количина на сон, експертите велат дека резултатите биле онакви како и би се очекувало. “Оние кои спијат само шест часа или помалку секоја вечер, сосема очекувано се најуморни. 54 проценти од луѓето кои спијат шест или помалку часови се будат уморни честири или повеќе пати во неделата“.

Спиењето е неверојатно важно за нашиот мозок, а Националната фондација за спиење наведува: “Недоволната количина на сон може да доведе до сериозни последици“. Некои истражувања  покажале дека недостатокот на сон ги прави луѓето почувствителни на намалено внимание, одложени реакции и промени во расположението.

Но, недостатокот на сон може да доведе и до други сериозни здравствени компликации. “Освен тоа, недостатокот на сон е поврзан со поголем ризик за одредени болести и медицински состојби. Тие вклучуваат обезност, дијабетес тип 2, висок крвен притисок, срцеви заболувања, мозочен удар, лошо ментално здравје и рана смрт“, велат од Националната фондација за спиење.

Зошто е важно да обрнете внимание на тоа како се чувствувате кога ќе се разбудите?

“Бил тоа долг работен ден, те биле соочени со предизвикувачки колегиа и шеф, а вие заспивате пред главата да ви ја допре перницата. Кога ќе се сместите на каучот со партнерот за да гледате филм за време на викендот, заспивате уште пред да започне. Вие, како и многу други луѓе, претпоставувате дека тоа е сосема нормално. Но, можеби не сфаќате дека ако се чувствувате вака, тоа може да биде знак за сериозно нарушување на спиењето“, вели д-р Томи Мичел, семеен лекар.

Според Националниот институт за здравје, апнеа при спиење е сериозно нарушување на спиењето во кое дишењето повторувачки престанува и започнува. Луѓето со апнеа при спиење често ‘рчат гласно и се чувствуваат уморни дури и по добар сон, што го припишуваат на недоволното спиење.

Постојат два вида на апнеа при спиење: опструктивна ноќна апнеа, која се јавува кога мускулите на грлото се опуштаат и централна ноќна апнеа, која се јавува кога вашиот мозок не ги испраќа вистинските сигнали до мускулите кои го контролираат вашето дишење.

Доколку имате проблеми со спиењето, разговарајте со вашиот матичен лекар за да дознаете дали имате нарушување на спиењето и побарајте лекување, вели д-р Мичел и наведува неколки знаци на нарушувања на спиењето.

  • Будење со сува уста

Будењето со сува уста може да укажува и на други здравствени проблеми, како што се дијабетес, габична инфекција, мозочен удар, Алцхајмерова болест, Сјогренов синдром или оштетување на нервите.

  • Се будите со главоболка

“Будењето со главоболка покажува дека постои нарушување на спиењето. Нарушувањата на сонот може да предизвикаат бројни проблеми, вклучително и главоболки. Кога ќе се разбудите со главоболка, можеби страдате од апнеа при спиење. Друга можност е да страдате од несоница. Несоницата може да биде предизвикана од стрес, анксиозност или депресија. Ако редовно се будите со главоболка, треба да разговарате со вашиот лекар за да помогне да се утврди причината и да се најде најдобриот третман“, вели д-р Мичел.

  • Се будите со трнење во рацете

Може да биде вообичаено да се разбудите чувствувајќи мала болка или трнење во рацете ако спиете во положба што ја прекинува циркулацијата. Но, ако тоа е редовна појава, може да биде проблем за кој треба да разговарате со вашиот лекар.

“Трнењето во вашите раце или дланка е губење на осетот што може да се појави поради различни причини. Рацете или дланките може да ви трнат бидејќи нервот е притиснат и циркулацијата е прекината поради положбата на спиење или некоја друга причина. Понекогаш трнењето е придружена со чувство на вкочанетост или боцкање, наречено парестезија. Парестезијата може да се појави за време на спиењето како резултат на одредени положби за спиење. И двете состојби се исто така поврзани со компресија на нервите и одредени основни здравствени проблеми“, велат од Националната фондација за спиење.