Ако исхраната вклучите намирници кои можат да влијаат на контролата на холестеролот, сте направиле многу, наведуваат експертите од Харвард. Причините за висок холестерол во крвта може да бидат многубројни – на пример, консумирање на премногу храна со висока содржина на холестерол, заситени масти и транс масти може да го зголеми ризикот од развој на висок холестерол.
Прекумерната телесна тежина и обезноста исто така може да го зголеми вашиот ризик. Останати фактори од начинот на живот кои можат да придонесат за висок холестерол се неактивноста и пушењето.
Вашата генетика може да влијае и на вашите шанси за развој на висок холестерол.
НАМАЛЕТЕ ГО ХОЛЕСТЕРОЛОТ СО ПОМОШ НА ОВИЕ НАМИРНИЦИ
Намирниците различно ќе влијаат на холестеролот, некои ќе нудат влакна, а некои здрави масти кои директно ќе влијаат на намалување на нивото на холестерол. Еве што да изберете.
- Овес: Едноставен прв чекор е токму консумирањето на оваа намирница. Покрај тоа што изобилува со протеини важни за производство на телесна енергија, овесот е одличен извор на „добри“ јаглехидрати кои помагаат во балансирање на нивото на шеќер во крвта. Има и влакна кои ќе го намалат лошиот холестерол. Во оброкот можете да додадете банана.
- Јачмен: Како и овесот, така и оваа намирница е одлична за превенција на болести на кардиоваскуларниот систем, најмногу поради количината на влакна што ја нуди.
- Наут: Полни со растворливи влакна, потребно е подолго да се сварат, што значи дека ќе бидете сити долго време, па затоа е одлична храна за сите кои се на диета. Постојат многу начини на кои можете да го подготвите, затоа поиграјте си ги рецептите.
- Модар патлиџан и бамја: Овие намирници се одличен извор на растворливи влакна и не содржат многу калории, па затоа јадете ги што почесто.
- Јаткасти плодови: Бадемите, оревите и другите јаткасти плодови се одличен начин за намалување на ЛДЛ „лошиот“ холестерол, а нудат и дополнителни хранливи материи кои можат да го заштитат здравјето на срцето. Можете да ги додадете во различни оброци или ужина кога сте гладни.
- Јаболка, грозје и агруми: Ове е овошје полно со пектин, еден вид растворливи влакна кои ќе влијаат на намалување на покачениот холестерол.
- Соја: Доколку јадете соја или храна направена од неа, мора да знаете дека тие се моќно оружје во борбата против покачениот холестерол. Истражувањата покажуваат дека само 25 гр соја дневно може да го намали холестеролот за 6 проценти.
- Масна риба: Ако јадете риба два или три пати неделно, можете да го намалите холестеролот. Ако месото сте го замениле со риба, во организмот внесувате омега 3 масти кои ќе го заштитат здравјето на срцето и ќе го спречат развојот на аритмии.
- Маслиново масло: Повеќето експерти истакнуваат дека маслиновото масло, особено девственото, е многу корисно затоа што содржи олеинска киселина, незаситена масна киселина, најзастапена во овој тип на масло и влијае на намалување на воспаленијата.
