ШТО Е ДОЛГ КОВИД-19?
Поимот се користи за опис на последиците кои оваа болест ги оставила на поединци со недели или со месеци по почетокот на болеста. Може да трае 12 недели, иако некои експерти сметаат и дека тоа се симптоми кои траат осум недели.
Колку луѓе во светот страдаат од ваквите последици се уште не е целосно јасно, но истражувањата потврдуваат дека едно од пет лица кои ја имале болеста, имаат симптоми и пет недели по поставувањето на дијагнозата. Кај речиси едно од 10 лица, тие симптоми ќе се задржат и до 12 недели или и подолго. Во почетната фза на болеста, сериозните симптоми може да предизвикаат воспаление на белите дробови и респираторни проблеми, кои можат за последица да предизивикаат долготрајни последици. Но, не се работи само за болести на белите дробови, туку вирусот може да предизвика и бројни компликации.
КОИ СЕ СИМПТОМИТЕ?
Повеќето пациенти добро ќе се опорават во краток период и ќе се вратат на нормалниот живот и функционирање. Но, кај некои, симптомите може да траат со недели или дури со месеци, а таа состојба се нарекува ДОЛГ КОВИД-19. Кај некои ќе дојде и до смирување на симптомите, кои дополнително повторно ќе се влошат.
СИМПТОМИ КОИ ВО ТОЈ СЛУЧАЈ М0ЖЕ ДА СЕ ЗАБЕЛЕЖАТ СЕ:
- Замор
- Краток здив (отежнато дишење)
- Анксиозност и депресија
- Болка во градите
- Болка во зглобовите и мускулите
- Потешкотии со фокусирањето
КОЛКУ ТРАЕ ОПОРАВУВАЊЕТО ОД ДОЛГ КОВИД
За жал, во моментов не може да се предвиди колку трае опоравувањето, но важно е да се знае дека тоа не е невообичаено за оваа болест, но и за останатите вирусни заболувања. Искуството поврзано со вирусните заболувања укажува дека повеќето симптоми би требало да се повлечат во период од три месеци, додека заморот може да потрае и до шест месеци.
ДАЛИ ЛИЦЕТО Е ЗАРАЗНО?
Симптомите се предизвикани од одговорот на организмот на вирусот по болеста, така што засегнатото лице не е заразно. Но, за да избегнете пренос на вирусот на други лица, важно е да бидете во самоизолација 10 дена од позитивниот тест или откако ќе поминат симптомите како покачена температура или пролив…
КАКО ДА СИ ПОМОГНЕТЕ АКО ВЕ МАЧИ ЗАМОР И ОТЕЖНАТО ДИШЕЊЕ?
- Планирајте што ќе правите и не се доведувајте до исцрпеност
- За активностите пронајдете најдобар период во денот, зависно од тоа колку енергија имате
- Неколку куси одмори е подобро од 2-3 подолги
- Не избегнувајте напор во целост оти мускулите мора да се користат
- Полека зголемувајте ги активностите, а за тоа најдобри се прошетките
- Ако користите стап за да ви биде полесно одењето, потпрете се на него кога ќе снемате воздух
ПОДОБРЕТЕ ГО РАСПОЛОЖЕНИЕТО И МЕНТАЛНОТО ЗДРАВЈЕ
- Бидете внимателни кон себе за време на опоравувањето, подгответе се дека некои денови ќе бидат полоши од останатите
- Опкружете се со пријатели, бидејќи тие ќе ве орасположат
- Рутината може да биде добра за расположение и за чувство на стабилност
- Останете активни – движете се за да се чувствувате подобро
ШТО ДА НАПРАВИТЕ АКО ИМАТЕ ПРОБЛЕМИ СО ПОМНЕЊЕТО?
- Правете потсетници за да ви помогнат да ги запомните работите, било да се работи за состаноци или за земање лекови
- Обидете се да ги елиминирате сите работи кои ви го попречуваат размислувањето
- Може да помогне ако направите план пред било каква комплицирана задача или ситуација
