Истражувањето кое го спровел Кралскиот колеџ во Лондон исто така покажува дека ризикот е поголем кај жените, лицата со поголема телесна тежина и оние со астма. Целта е да се утврди раниот предупредувачки сигнал кој може да ги идентификува пациентите на кои им е потребна дополнителна нега или на кои би можело да им користи рано лекување.
Во студијата се проценува дека секој 20. заболен, боледува осум недели.
Научниците ги истражувале податоци за да ги воочат обрасците кои би можеле да предвидат кој ќе биде долготрајно изложен на болеста. Резултатите, кои треба да бидат објавени, покажуваат дека долгиот КОВИД-19 може да се јави кај секого, но дека некои фактори го зголемуваат ризикот.
“Да се има повеќе од пет различни симптоми во првите недели е еден од клучните ризик фактори“, објаснува д-р Клер Стивс од Кралскиот колеџ.
КОВИД-19 е многу повеќе од само кашлица, а вирусот што ја предизвикува болеста може да влијае на органите во целото тело.
Некој кој има кашлица, замор, главоболка и дијареа, а го изгубил и остетот за мирис, има поголем ризик од некој кој само кашлица како резултат на болеста КОВИД-19.
Ризикот, исто така, се зголемува со возраста,особено над 50., и е поизразен кај жените.
“Видовме од претходните податоци дека мажите имаат поголем ризик од тешка форма на болеста, како и од смртен исход, а сега гледаме дека жените имаат поголем ризик од добивање на долг КОВИД-19“, вели д-р Стивс.
Никакви претходни здравствени проблеми не се поврзани со појавата на долг КОВИД-19, освен астма и болести на белите дробови.
