Веројатно претпоставувате дека бубрезите правилно ви работат и функционираат, но постои голема можност и да не знаете ако нешто не е во ред. Имено, голем број лица кои имаат хронична болест на бубрезите се уште немаат дијагноза бидејќи симптомите често се невидливи. Затоа е важно да ги познавате сите знаци на болеста, вклучувајќи го и оној кој би можел да се крие на лицето. Имено, отечените очи може да бидат ран знак за бубрежна болест.
ОСТАНАТИ СИМПТОМИ
Кога бубрезите не работат добро, потешко ја извршуваат функцијата на филтрација, поради што протеините поинтензивно се излачуваат со урината. Губењето на протеини од телото резултира со складирање на течности и минерали како што се калциум и фосфат околу очите, што потоа предизвикува отекување на очните капаци. Потечените очи може да бидат и знак за стрес, недостаток на сон или алергии, па затоа е важно да се знае кои предупредувачки знаци на болести на бубрезите може да се манифестираат со отечени очи.
Имено, ако очите ви се особено отечени наутро, тоа е вообичаен знак дека нешто не е во ред со бубрезите, а притоа очите може да изгледаат суви и иритирани.
Малку е веројатно дека отечените очи ќе бидат единствениот симптом на оштетување на бубрезите. Можно е да се јават и отоци на рацете и стапалата да чувствувате постојан замор, намален апетит, раноутринска мачнина, да забележите промена на бојата на урината или пенлива урина, сува или кожа што чеша, болка во грбот и долниот дел на стомакот.
Разговарајте со и проверете ги бубрезите ако неодамна сте забележале некој од овие симптоми. Бубрежното заболување може да предизвика сериозни долгорочни последици, но раната дијагноза во голема мера ќе ги намали компликациите. Хроничната бубрежна болест може да влијае на речиси секој дел од телото и да доведе до срцеви заболувања, компликации во бременоста, намален имунолошки одговор и анемија. Дополнително, неповратното оштетување на бубрезите (ако не се лекува) може да доведе до потреба од дијализа и трансплантација.
