Истражувачи од Кина спровеле интересно истражување во чии рамки испитувале 31 750 возрасни лица на просечна возраст од 61 година кои имале задача да ги откријат своите навики на спиење. Во период од шест години, колку што траела студијата, стручњаците откриле 1438 мозочни удари, а 110 случаи се случиле токму меѓу испитаниците на оваа студија.
После прегледот на статистичките податоци, добиени врз основа на анкети, возрасните кои рекле дека спиеле девет или повеќе часови во текот на ноќта имале за 23 отсто поголеми шанси да доживеат мозочен удар, за разлика од оние кои спиеле помалку од 8 часа. Исто така, кај учениците во студијата кои секој ден дремеле подолго од 90 минути, востановено е дека е зголемен ризикот за 25 отсто за подоцна да доживеат мозочен удар, за разлика од луѓето кои дремеле помалку од половина час дневно.
Се разбира, ова не значи автоматски дека долгите периоди на спиење предизивикуваат мозочен удар. Ако некој редовно спие девет часа во текот на ноќта и и понатаму има потреба за сон во текот на денот, тоа може да знак дека нешто друго се случува во организмот. Сите понекогаш чувствуваме умор, но ако високо ниво на исцрпеност чувствувате секој ден време е да појдете на лекар.
Авторката на студијата од Универзитетот за наука и технологија во Кина се обидела да објасни како долго спиење има влијание на организмот.
„Би требало да спроведеме уште истражувања за да објасниме како се поврзани долгото спиење и дремењето со мозочниот удар, но претходните студии покажале дека долгото спиење има влијание на нивото на холестерол и го зголемува обемот на стомакот, а познато е дека тоа се ризични фактори за мозочен удар“, рекла Кисиомин Занг, авторката на студијата.
